يا فرعون مين فرعنك!!

لما قالوا يا فرعون مين فرعنك؟

ماردش.. وخلاهم..

يشوفوا الفرعنه بعينهم

وإللي مايشوفش م الغربال..

يبقى العيب فيه..

مش الأعمى.. لأ الغربال

عمرك شفت بني آدم

ربك كرّمه ورفعه..

وهو بيهين نفسه..!

بيستعموه وبيوافق.. بدون مبدأ

بيغتصبوه وبيسامح.. بدون مافهم

إيه الداعي؟!

كرامته عمرها ما نقحت

ولا عرفت في يوم ترفض..

إهانه وظلم ومذله

مسامحه في حقها دايما

وحجتها.. إستقرار..

طب اتوكسوا..

لما تُقِرْ.. للظلم إنه..

 يستقرْ..  يبقى..

ظلمتوا نفوسكوا بإيديكوا

ياخي اتوكسوا..

كرامة نفسنا بإيدنا

ودم الشهدا في رقابنا

وطول ما فيا روح أنطق

أنا هرفض..

وطول ما فيك روح تنطق

كمان أرفض..

نهايته إيه؟؟.. هموت يعني؟

وإيه يعني!.. أموت ماشي..

مايجراشي

مادام الحق مش واصل

ومدام عسكرها حرامية

ماهيش فارقة..

أعيش فيها

ولا فارقة..

أموت واصل